Mejlotoruta
Mejlotoruta («Dei nye fabrikkane») er det største boĉikiske teknologiselskapet og leverer alt frå mikroprosessorar og elektromotorar til robotar og satellittar. Som Astroza er også Mejlotoruta halvvegs statseigd. I motsetnad til selskap som Fadiki og Primatech/Primavera har Mejlotoruta fokusert på maskinvare framfor å utvikle banebrytande kunstig intelligens, og sjølv om selskapet har eigen programvare for systema sine er det ingen stor leverandør av avanserte KI-system. Til gjengjeld blir produkta til Mejlotoruta rekna for å vere svært robuste.
På den avittiske forbrukarmarknaden er Mejlotoruta den største produsenten av såkalla styringseiningar, som er den mest populære typen personleg assistent i Det avittiske riket. Desse er små og lette fysiske einingar ein kan bruke til å aksessere det meste av nettverk og system, som regel med ein form for innebygd KI-assistent. Ettersom Mejlotoruta sine KI-assistentar ikkje er like avanserte som enkelte andre, lagar også Primatech virtuelle KI-assistentar som er kompatible med nokre av Mejlotoruta sine modellar.
Robotar og antroidar
Mejlotoruta produserer robotar til både industriell og kommersiell bruk, inkludert enkelte antroidemodellar. Det avittiske samfunnet har derimot ikkje vore særleg interessert i realistiske antroidar, og dei aller fleste robotane til Mejlotoruta er derfor meir funksjonelle og unngår å etterlikne naturen berre for syns skyld.