Boĉika
Versjon 0.1, 2019-01-08
Boĉika er ein steinplanet og den fjerde i Zuhe-systemet. Planeten var den andre i systemet som vart kolonisert, og er i dag hovudsetet til Det avittiske riket. Boĉika er derfor også ein del av Konføderasjonen av uavhengige planetar.
Etymologi
Boĉika har namnet sitt frå Bochica, bodberarguden som brakte sivilisasjonen til muisca-folket.
Geografi
Ettersom Boĉika i si heiling er del av Det avittiske riket, finst det ingen andre statar på planeten. Den planetære hovudstaden er Etzeruta, eller Nybyen på invetanze.
Den administrative inndelinga av planeten er organisert i fleire nivå og følger som regel eit fast mønster:
- Region (tilsvarande verdsdel),
- Magistrat (tilsvarande eitt eller fleire land),
- Provins (tilsvarande større fylke) og
- Underprovins (tilsvarande kommune).
Romhamner
Etzeruta kosmodrom er den viktigaste boĉikiske romhamna. Kosmodromen er den einaste statseigde romhamna på planeten, men er i stor grad drifta av private kontraktørar. Planeten har også fleire heilt private romhamner, og dei avittiske styresmaktene leiger ofte kapasitet hos desse ved behov.