Supaj

Versjon 0.1, 2020-06-25

Supaj er den Nte planeten i Inti-systemet og tek namnet sitt frå dødsguden Supay. Planeten er ikkje fullstendig terra­forma, og er derfor delt inn i fire såkalla bio­domar, Planedaj habitatoj 7–10 (Plaha-7 til 10). Desse bio­domane har ei mindre romhamn kvar og fungerer som mellom­belse basar for å fullføre terra­forminga av planeten.

Planeten er enno ikkje heilt open for sivil bruk men er likevel heim til fleire levande og lokale kulturar, takka vere dei permanente innbyggarane i bio­domane. Forutan militært personell består innbyggarane av teknikarar, arbeidarar, støttepersonell og familiane deira.

Militær bruk

Supaj er ein strategisk viktig utpost, og Den intiske romflåta er godt etablert på planeten, med både Logistika surtera baz 9 (Loter-9) og Kosmoflota surtera baz 11 (Floter-11). Planeten har også eit stort skipsverft, drifta av Ŝikonjo i samarbeid med Romflåta.

Det finst to bemanna romstasjonar rundt Supaj, eit skipsverft i bane og ein militær utpost. Utposten var den første som vart etablert på planeten, før nokon av basane på overflata vart etablert, og har framleis ei viktig rolle i UIA sin forsvars­doktrine.