Utu-systemet
Versjon 0.2, 2020-08-18
Utu-systemet er sentrert rundt stjerna Utu. Systemet var det andre stjernesystemet som vart kolonisert, etter Zuhe-systemet, men i motsetnad til Zuhe-systemet var ikkje koloniseringa av Utu-systemet noko koordinert eller samordna prosjekt.
Det er i dag framleis ingen suverene politiske entitetar i Utu-systemet. Både Inti-administrasjonen (UIA) og Konføderasjonen (COP) har late vere å innta systemet offisielt. Private busettarar har grunnlagt Alliansen av frie himmellekamar (ALA), men Alliansen er mest ei laus samansetting av grupper og individ og har ikkje gjort krav på heile stjernesystemet.
I mangel på ei suveren makt blir Utu-systemet offisielt rekna som ukolonisert. Det tyder at det ikkje finst eigne lovar eller reglar for dei systemet, forutan romfartstraktatar og interstellar rett. Korporasjonane som opererer i Utu-systemet kan derfor sette sine eigne reglar og utøve makt i form av organisasjonsstyring og interndisiplin, og dei fungerer i praksis som eigne kvasi-statar.
Utanfor sfærane til Alliansen og gruvefirmaa er Utu-systemet i praksis lovlaust og heim til piratar, lovflyktige og enkelte busettarar heilt i utkanten av sivilisasjonen.
Alle namna i Utu-systemet kjem frå mesopotamiske guddommar. Utu var solguden.
Planetar
Nabu
Nabu er ein steinplanet under styring av Den ekstrasolare ekspedisjonen frå UIA. Planeten har ingen koloniar, berre gruvedriftstasjonar i bane rundt planeten.
Inana
Inana er ein steinplanet og hovudbasen for både det huitakiske gruvefirmaet Koubutsu kombinéiert og det avittiske Handelskompaniet for nye stjerner. Planeten er kolonisert og uoffisielt under COP-kontroll.
Marduk
Marduk er hovudbasen for Ekspedisjonen. Planeten er kolonisert og uoffisielt under UIA-kontroll.
Ki
Ki er ein steinplanet med to månar. Planeten har ALA-busettingar både på overflata og på begge dei to månane.
Era
Era er ein ukolonisert steinplanet.
Asteroidebeltet
Asteroidebeltet i Utu-systemet er delt opp i ulike sektorar, og blir utnytta til gruvedrift av alle gruvefirmaa i systemet, inkludert Gruvekooperativet.
Anzu
Anzu er ein gasskjempe med åtte større månar. Dei tre største månane har ALA-busettingar, og Ekspedisjonen driv gruvedrift på to.
Dagon
Dagon er ein gasskjempe med åtte månar. To av desse har ALA-busettingar, mens tre andre har aktive gruver tilhøyrande Kōbutsu kombinéiert og Handelskompaniet.