Dei huitakiske tryggings­styrkane

Dei huitakiske tryggingsstyrkane er, som alt anna på Huitaka, full­stendig private. Tryggings­styrkane er eit paraply­omgrep for politi- og forsvars­styrkane. Dei vart formelt oppretta da Det planetære demokratiet vart etablert i 3951 JP.

Kvar grein av Tryggings­styrkane er i hovudsak drive av éin mega­korporasjon, som igjen hyrar inn fleire mindre under­kontraktørar. Som eit følge av dette er organiseringa svært paramilitær og bedriftsaktig, med fokus på effektivitet og rasjonalitet.

Struktur

• TODO: sett inn organisasjonskart.

Den militære delen av Tryggings­styrkane består av Heimeverns­armen og Den ytre armen. Heimeverns­armen er ansvarleg for det planetære forsvaret, og har eigne bakke-, luft-, sjø- og politi-komponentar. Kvar av desse komponentane er driven av separate kontraktørar, og alle forutan Politikomponenten er i stor grad tufta på deltids­arbeid, slik at soldatane og andre tilsette gjerne har ein annan jobb ved sida av dei militære rollene sine.

Den ytre armen er ansvarleg for alle operasjonar i verdsrommet, og består av Den huitakiske flåta og Fribyttarane. Flåta er ansvarleg for alle skip og fartøy, basar og stasjonar, så vel som for personellet som bemannar desse. Fribyttarane fyller funksjonen som marine­infanteri for Den huitakiske flåta, og stiller soldatar og utstyr for planetære operasjonar i alle miljø.

Den ytre armen inngår under Den konføderale over­kommandoen når for operasjonar utanfor huitakisk nasjonal­rom.

Den huitakiske flåta

Gradar

Dei huitakiske gradane er delt opp i seks nivå, ikkje inkludert kadettar: fem gradar for spesialistar og fem for under­offiserar, etterfølgd av tre kvar for lågare offiserar, operasjons­offiserar og stabs­offiserar. Berre dei to øvste gradane utgjer det formelle admiralitetet, som er sterkt under­støtta av stabs­offiserar. Desse offisers­nivåa liknar grovt på vanlege NATO-strukturar, men skil seg klart frå det avittiske systemet med fire gradar per nivå.

Det er også verdt å merke at den huitakiske offisers­utdanninga berre varar to år, mens den avittiske utdanninga er tre år.

Gradsnr.	Fork.	Namn	Norsk	Engelsk	NATO tilsv.
C5	Zald	Zaldot	Soldat	Soldier	OR-1
C4	ZaldPr	Zaldot première Classe	Soldat 1. klasse	Soldier 1st class	OR-1+
C3	Spz	Spezialist	Spesialist	Specialist	OR-2
C2	SpPr	Spezialist première Classe	Spesialist 1. klasse	Specialist 1st class	OR-2+
C1	SpCh	Spezialist-Chef	Sjefs­spesialist	Chief Specialist	OR-4
L5	Sgt	Sergent	Sersjant	Sergeant	OR-5
L4	PSgt	Premier Sergent	Første­sersjant	First sergeant	OR-6
L3	SgtCh	Sergent-Chef	Over­sersjant	Chief Sergeant	OR-7
L2	Ënn	Ënnerofficier	Under­offiser	Under-officer	OR-8
L1	Adu	Adjutan	Adjutant	Adjutant	OR-9
T12	Asp	Aspirant	Kadett	Cadet, ensign	OF-D
T11	Van	Vaandorig	Fenrik	Sub-lieutenant	OF-1
T10	Lt	Lieutenant	Løytnant	Lieutenant	OF-1+
T9	LtKap	Lieutenant-Kapitän	Kaptein­løytnant	Lieutenant captain	OF-2
T8	Kap	Kapitän	Kaptein	Captain	OF-3
T7	Maj	Major	Major	Major	OF-4
T6	PMaj	Premier Major	Første­major	First major	OF-5
T5	Kom	Kommandeur	Kommandør	Commodore	OF-6
T4	PKom	Premier Kommandeur	Første­kommandør	First commodore	OF-7
T3	VAdm	Vizeadmirol	Vise­admiral	Vice admiral	OF-8
T2	Adm	Admirol	Admiral	Admiral	OF-9
T1	PAdm	Premier Admirol	Første­admiral	First Admiral	OF-10

Uniformar

Dei huitakiske uniformane er funksjonelle og nyutvikla for tryggings­styrkane, og dei følger derfor ingen tidlegare tradisjonar. Alt personell opp til og med operasjons­offiserar har same uniforms­farge, mens stabs­offiserar har lyseblå og admiralitetet kvite uniformar.

Det er fem uniformsnivå:

1. Kampuniform
2. Bakkeuniform
3. Kvardagsleg tenesteuniform
4. Pen tenesteuniform
5. Seremoniell uniform

Bransjar

Forutan den reint organisatoriske strukturen er Den huitakiske flåta delt opp i seks operasjonelle bransjar. Alt militært personell blir plassert i ein av desse avhengig av stilling, og uniformane har bransje­merket på høgre skulder.

Kommandobransjen inkluderer fartøys­sjefar, pilotar og enkelte operasjons­personell. Støtte­bransjen består av vitskap, navigasjon og anna støtte­personell. Den taktiske bransjen involverer våpen­operatørar, planleggings­personell og tryggings­styrkar.

Ingeniør­bransjen er ansvarleg for K4IS (kommando, kontroll, kommunikasjon, komputering og informasjons­system) og andre, meir tradisjonelle ingeniør­fag, både fysisk og digitalt. Logistikk­bransjen famnar alle som er ansvarlege for ammunisjon, kargo, mat og transport, i tillegg til enkelte planleggings­funksjonar. Den medisinske bransjen dekker alt medisinsk personell, inkludert religiøse funksjonar.

Fribyttarane

TODO: skriv meg.

Gradar

Fribyttarane følger hovudsakleg det same grads­systemet som Flåta, men fleire av gradane har andre namn og nokre er forskyve samanlikna med Flåta.

Bransjar

Fribyttarane dekker alle dei tradisjonelle domena og er delt inn i eigne bransjar for Bakke, Luft, Sjø, Medisin og Logistikk. Dei medisinske og logistiske bransjane leverer personell og tenester til støtte for alle dei tre operasjonelle bransjane.

Bakkebransjen er vidare delt inn i fem korps: Infanteri, Kavaleri, Artilleri, Ingeniør og Etterretning. Desse korpsa organiserer ulike spesialiseringar og funksjonar etter yrke. Kvart korps har ein Korps­kommandant som har fagleg kommando over alt personell som inngår i korpset. Alle deployerte forband er likevel under operasjonell og taktisk kommando frå den deployerte styrke­sjefen. Styrke­sjefen sin grad og posisjon vil avhenge av stor­leiken og saman­settinga av oppdraget og kan vere alt frå ein tropps­sjef og opp.