Det avittiske tryggingsministeriet

2021-05-26, versjon 0.1

Det avittiske tryggingsministeriet er den øvste autoriteten for statleg tryggleik i Det avittiske riket. Ministeriet er underlagt den avittiske tryggingsministeren, som også er ansvarleg for Det kongelege tryggingsrådet.

Ministeriet har ansvaret for fleire område, inkludert:

• Innanriks statstryggleik
  • Ordinært politi
  • Sikring av kritisk infrastruktur og personell
  • Politisk overvaking
  • Kontraterror
  • Kontraspionasje
  • Organisert kriminalitet
• Utanriks statstryggleik
  • Spionasje
• Avlytting og strategiske nettverksoperasjonar

For å løyse dei ulike oppdraga sine er ministeriet delt inn i fleire direktorat og etatar. Blant dei best kjende er:

• Direktoratet for stabilitet og heimleg tryggleik, med ansvar for dei fleste innanriks­oppgåvene, inkludert politi;
• Sambands­direktoratet, med ansvar for sikring av avittisk kommunikasjon og utnytting av andres; og
• Støtte­direktoratet, med ansvar for tryggings­politisk analyse og avgjerds­støtte.

Tryggingsministeriet har ein høg status internt i det avittiske stats­apparatet og har fleire naturlege samarbeid med andre ministerium, som Utanriks­ministeriet og Krigs­ministeriet. Direktoratet for stabilitet og heimleg tryggleik har også fleire flater opp mot Hærens tryggings­direktorat, som mellom anna fungerer som gendarmeri og er hovud­ansvarleg for tryggleiken på Nenkatakoa.