D'Transaktiounssécherheet

Versjon 0.1, 2020-09-16

D'Transaktiounssécherheet (Transec; Transaksjonstrygginga) er ei av dei største tryggings­tenestene i Det planetære demokratiet Huitaka. Tenesta er organisert som ein korporasjon, men blir styra direkte av Det planetære demokratiet.

Transec er ansvarleg for å førebygge og etterforske økonomisk kriminalitet, inkludert bedrageri, smugling og industri­spionasje, samt ei lang rekke andre økonomiske truslar og ulovlegheiter. Etter kvart som mandatet har utvida seg, har tenesta også blitt ansvarleg for å sikre økonomien i vidare forstand, mot t.d. terrorisme og organisert kriminalitet.

Transec fungerer i dag som eit kombinert tryggings­politi og ei sivil etterretnings­teneste, både innanriks og utanriks.

Organisering

Transec er delt inn i fem byrå med eit utal avdelingar og kontor. Byrå for operasjonar og Byrå for etterforsking omfattar det meste av bakkepersonell; Teknisk byrå leverer støtte til dei ulike operasjonane, og dei øvrige to byråa er hovudsakleg analytiske.

• Byrå for operasjonar
  • Avdeling for kriminaloperasjonar
  • Avdeling for tryggingsoperasjonar
  • Avdeling for fordekte operasjonar
• Byrå for etterforsking
  • Avdeling for økonomisk kriminalitet
  • Avdeling for organisert kriminalitet
  • Avdeling for hamnesikring
    • Kontor for antismugling
• Heimebyrået
  • Avdeling for kontraterrorisme
    • Kontor for politikk
    • Kontor for religion
  • Avdeling for kontraspionasje
    • Kontor for økonomiske føretak
    • Kontor for statlege aktørar
• Analysebyrået
  • Avdeling for utanlandssaker
    • Kontor for leiarskap
    • Kontor for transport
    • Kontor for teknologi
  • Avdeling for gruvedrift
• Teknisk byrå
  • Avdeling for forsking og utvikling
  • Avdeling for operasjonell støtte