Buhes

Versjon 0.2, 2023-03-26

Logoen til Buhes.

Byrået for innanriks tryggleik (Buroo de hejmlanda sekurec, Buhes) er den intiske interne tryggings­tenesta. Ansvars­områda til Buhes inkluderer kontra­etterretning (forutan for militære mål, som høyrer til Miseris) og etterforsking av under­gravande aktivitetar, terrorisme, alvorleg organisert kriminalitet og andre fenomen som truar tryggleiken og stabiliteten til Den sameinde Inti-administrasjonen.

Buhes har to avdelingar: Etterforskings­avdelinga (Enkeda divizio, Endi), ansvarleg for førebuing og gjennomføring av påtale­saker, og Tryggings­avdelinga (Sekureca divizio, Sedi), ansvarleg for såkalla trusselundersøkingar, inkludert overvaking av saker eller truslar som ikkje enno er fullt utvikla og klare for påtale. Arbeids­fordelinga mellom dei to avdelingane har vore praktisert lenge, og mens Sedi berre har avgrensa politi­myndigheit, kan Endi skaffe særskilde retts­kjenningar som kan tillate avdelinga å fungere som eit hemmeleg spesial­politi med utvida fullmakter. For å kunne operere på denne måten må Endi i utgangspunktet ha grunnlag for å etterforske ei konkret straffesak.

Hovudkvarteret til Buhes ligg i Deĥo på Paĉa, men byrået har eigne kontor og avdelingar spreidd ut over heile Inti-systemet. Det er ikkje kjent kor alle kontora er eller kor mange som jobbar i byrået.