Dei planetære fellesstyrkane

• TODO: gradsteikn for dei ulike tenestene; organisasjonskart

Dei planetære felles­styrkane, offisielt Intiaj planedaj fortoj (IPF), er ein felles­operativ paraply for alle dei planetære våpen­greinene i UIA-militæret. Dei planetære fellesstyrkane er organisatorisk likestilde med Den intiske romflåta (IKF), og består av Hæren, Freds­korpset, Flyvåpenet og Den planetære marinen.

Det er ingen eigne intiske spesial­styrkar. Spesial­operasjonar blir i staden gjennomførte av særleg selektert mannskap frå dei ulike våpen­greinene, som regel i felles­skap mellom både IPF og IFK. Alle våpen­greinene har eigne ståande spesial­styrkar, og desse blir ofte bruka i tilnærma faste saman­settingar. Eit utvald IKF-mannskap kan dermed ha eit fast samarbeid med ei spesifikk hær­avdeling over lang tid.

Fellesstyrkane brukar det same grads­systemet som Romflåta, men uniformane og gradsnamna varierer mellom våpen­greinene. Oversikter for dei ulike greinene følger under. I tilfelle der gradar har like forkortingar og det ikkje er opplagt kva våpen­grein graden høyrer til, kan ein bruke forkortinga for våpen­greina etter graden, t.d. kap. (I.A.) for kaptein i Hæren eller ser. (Pako) for sersjant i Fredskorpset.

I tilfelle der ulike rangar av same grad har forskjellege namn, som R-2 vic-kaporal og R-2/1 kaporal, unua grad, har rangane som regel også separate distinksjonar og blir handsama som de facto separate gradar.

Hæren

Den intiske hæren (La intia armeo, forkorta IPF/A, IPA eller I.A.) har to hovud­oppdrag. Det første er å forsvare den territorielle suvereniteten til UIA, inkludert invasjons­forsvar og objekt­sikring av basar og stasjonar. Avdelingane som løyser dette oppdraget kallest La ariergard eller Baktroppen, og består av ei blanding av heimevern, militære tryggings­styrkar og operasjons­beredskap.

Det andre oppdraget til Hæren er å vere ein åtaks­styrke for IKF, som ikkje har sitt eige marine­infanteri. Desse avdelingane utgjer La avangard, Fortroppen. Hærsoldatar som teneste­gjer med Romflåta deployerer i spesialiserte kamp­grupper tilpassa oppdraget dei støttar. Teneste i Avangardo-forband blir sett på som meir krevjande og prestisje­fylt enn i Baktroppen.

I mangel av eigne felles spesialstyrkar inkluderer Fortroppen spesielt trente avdelingar for bruk som spesial­styrkar både i verds­rommet og på bakken.

Gradar i Hæren

Gradsnr.	Fork.	Namn	Norsk	Engelsk	NATO tilsv.
R-1	Rek	Rekrut	Rekrutt	Recruit	OR-1
R-1/1 – R-1/3	Sol	Soldat, N-a grad	Soldat, Nte grad	Soldier, Nth grade	OR-2 – OR-3
R-2	Vip	Vic-kaporal	Vise­korporal	Lance corporal	OR-3+
R-2/1 – R-2/3	Kar	Kaporal, N-a grad	Korporal, Nte grad	Corporal, Nth grade	OR-4 – OR-5÷
R-3	Ser	Serĝent	Sersjant	Sergeant	OR-5
R-4	Sek	Sekondant	Løytnant	Lieutenant	OF-1
R-5	Kap	Kapitan	Kaptein	Captain	OF-2
R-6	Maj	Major	Major	Major	OF-3
R-7	Gam	Grandmajor	Stormajor	Grand major	OF-4
R-8	Kol	Kolonel	Oberst	Colonel	OF-5
R-9	Bri	Brigadir	Brigader	Brigadier	OF-6
R-10	Gem	General­major	Generalmajor	Major general	OF-7
R-11	Ges	General­sekondant	General­løytnant	Lieutenant-general	OF-8
R-12	Gen	General	General	General	OF-9
R-12/3	Kam	Kampmarŝal	Felt­marskalk	Field marshal	OF-10

Fredskorpset

Det intiske fredskorpset (La packorpuso, Pako) er eit gendarmeri dedikert til freds­tryggande operasjonar og andre interne tryggings­operasjonar i Inti-administrasjonen. Fredskorpset er spesialisert i objekt­sikring, mengde­handtering og ikkje-dødeleg maktbruk, men handterer også saker som organisert kriminalitet og særleg sensitive gissel­situasjonar. Fredskorpset er den første tenesta som blir sett inn ved indre uro i UIA, og det fungerer som ein stabiliserande og freds­tryggande styrke mellom rivaliserande Inti-nasjonar. Pako-operasjonar er gjerne sterkt desentraliserte og intensjons­baserte, med fokus på autonomi og avgjerder så nære forholda på bakken som mogleg.

Fredskorpset er fullstendig bakke­bunde, og det er derfor ikkje ansvarleg for UIA-kontrollerte basar, stasjonar eller skip utanfor Paĉa og Kamak. Desse er i staden dekt av Fortroppen til Hæren, som er trena og utstyrt for felles­operasjonar med Romflåta.

Det er verdt å merke at til trass for dei politi­aktige gradane er Freds­korpset ingen ordinær politi­styrke. Freds­korpset blir som regel berre involvert i seriøse konfliktar og uro der valds­nivået overgår kapasiteten til dei ordinære politi- og ordens­styrkane. Korpset gjennomfører vanlegvis heller ikkje eigne undersøkingar; dette blir handtert i samarbeid med sivilt politi og påtalemakt.

Gradar i Fredskorpset

• TODO: Finn ut korleis desse faktisk passar inn i organisasjonsstrukturen; treng dei alle? Kven gjer kva?

Gradsnr.	Fork.	Namn	Norsk	Engelsk	NATO tilsv.
R-1	Kon	Konestablo	Konstabel	Constable	OR-1
R-1/1 – R-1/3	Kon	Konestablo, N-a grad	Konstabel, Nte grad	Constable, Nth grade	OR-2 – OR-3
R-2	Kar	Ĝendarm	Gendarm	Gendarme	OR-3+
R-2/1 – R-2/3	Mar	Ĝendarm, N-a grad	Gendarm, Nte grad	Gendarme, Nth grade	OR-4+ – OR-5÷
R-3	Kap	Kaporal	Korporal	Corporal	OR-5
R-4	Ser	Serĝent	Sersjant	Sergeant	OF-1
R-5	Ĉes	Ĉefserĝent	Sjefs­sersjant	Chief sergeant	OF-2
R-6	Ins	Inspektor	Inspektør	Inspector	OF-3
R-7	Ĉis	Ĉefinspektor	Sjefs­inspektør	Chief inspector	OF-4
R-8	Int	Intendant	Intendant	Superintendent	OF-5
R-9	Ĉin	Ĉefintendant	Sjefs­intendant	Chief superintendent	OF-6
R-10	Suk	Subkomisar	Under­kommisær	Sub-commissioner	OF-7
R-11	Vik	Vickomisar	Vise­kommisær	Vice commissioner	OF-8
R-12	Kom	Komisar	Kommisær	Commissioner	OF-9
R-12/3	Ĉek	Generalkomisar	General­kommisær	Commissioner-general	OF-10

Flyvåpenet

Det intiske flyvåpenet (La intia aerarmeo, IPF/AA, IPAA eller IAA) handterer alle luft­operasjonar som ikkje involverer verds­rommet. Som Hæren er også Flyvåpenet delt inn i ein Baktropp og ein Fortropp: Baktroppen handterer det planetære forsvaret, luft­operasjonar og mobilitet for Hæren, mens Fortroppen gjennomfører offensive operasjonar på andre planetar i samarbeid med Romflåta.

Flyvåpenet er organisert i regionale kommandoar, som vidare er delt inn i lokale kommandoar og luftbasar. Flyavdelingar per base er delt inn i skvadronar (eskadroj), vengar (aloj) og sveitar (svarmoj).

Gradar i Flyvåpenet

Gradsnr.	Fork.	Namn	Norsk	Engelsk	NATO tilsv.
R-1	Rek	Rekrut	Rekrutt	Recruit	OR-1
R-1/1 – R-1/3	Aso	Aersoldat, N-a grad	Luft­soldat, Nte grad	Air soldier, Nth grade	OR-2 – OR-3
R-2	Sak	Kaporal	Korporal	Corporal	OR-3+
R-2/1 – R-2/3	Fuk	Flugkaporal, N-a grad	Fly­korporal, Nte grad	Flight corporal, Nth grade	OR-4 – OR-5÷
R-3	Ser	Serĝent	Sersjant	Sergeant	OR-5
R-4	Adj	Adjudant	Adjutant	Adjutant	OF-1
R-5	Fus	Svarm­sekondant	Sveit­løytant	Flight lieutenant	OF-2
R-6	Fun	Svarm­kapitan	Sveit­kaptein	Flight captain	OF-3
R-7	Fum	Alomajor	Veng­­­major	Wing major	OF-4
R-8	Kol	Kolonel	Oberst	Colonel	OF-5
R-9	Tak	Taksiarĥo	Taksiark (brigader)	Taxiarch (brigadier)	OF-6
R-10	Gem	General-major	General­major	Major general	OF-7
R-11	Ges	General-sekondant	General­løytnant	Lieutenant general	OF-8
R-12	Aeg	Aergeneral	Luft­general	Air general	OF-9
R-12/3	Aem	Aermarŝal	Luft­marskalk	Air marshal	OF-10

Marinen

Den intiske planetære marinen (La intia mar­milit­ŝipar, IPF/M, IMM eller I.M.) er ansvarleg for alle militære operasjonar på og under havet. Marinen brukar dei same gradane som Den intiske romflåta. Marineskip brukar prefikset IMŜ (intia militŝip, /i-mo-ŝo/) i staden for romskipa sitt IKŜ.